Shillong, Risaw 05
Ka United Democratic Party (UDP) Mawlai Circle ka ai khublei bad kitbok kitrwiang ïa ka kynhun ki ‘thei ïalehkai ka Jylla hapoh ka lama jong ka Meghalaya Cric-ket Association (MCA) ki ban ïashim bynta ha ka Women’s U-19 One Day Trophy ban pyn BCCI’s pynïaid da ka BCCI ha Surat, Gujarat naduh ka 8 tarik mynta u bnai.
U Bah P.T Sawkmie, Adviser lem bad u Bah H. Kharkongor, Presi-dent ka UDP Mawlai Circle, Bah T. Kharkong -or, Secretary bad kiwei de ki nongkitkam ka seng ki la pynpaw ïa ka jingsngewkmen kaba khraw ba ki samla kynthei jong ka Jylla kin ïoh ka lad ban ïashim bynta ha ka jingïalehkai BCCI ha ka jylla Gujarat.
Ha kajuh ka por u Bah Sawkmie u kyntu ïa ki ba kin ïakhun tyngeh ban poi sha ka thong. “Tang ka jingtrei shitom ka la ban ïarap ïa phi mynta, phi mihkhmat ïa ka Jylla, kan poi ka por phin mihkhmat sa ïa ka ri India,” ong uba Sawkmie haba kren ai mynsiem ïa baroh ki ‘thei ïalehkai ka MCA.
