Shillong, Risaw 05
Ka synjuk ïalehkai jong ka 4ForALL ka la plie ïa ka prokram ai jinghikai ïa ki khynnah ba la tip kum ka 4ForALL Football Academy Grassroots Level ha ka 2 tarik mynta u bnai ha shnong Diengïong kaba ha Mawdiangdiang, Shillong.
Ha kane ka prokram la wan ban ai jinghikai da u coach jong kane ka shlem ai jinghikai u Bah Merrick Rymbai, AIFF D License (AIFF Grassroot License) hapoh ka jingai jingmut da u Bah Alison Kharsyntiew, AFC A License Coach.
Ha katei ka sngi la ïadon lang ki dkhot nongkitkam ka 4ForALL kiba kynthup ia u Bah Eroldson Dympep, Bah Benjamin Blah bad Dr. W.D. Phira.
