Manchester, Risaw:
U Myntri Rangbahduh ka Britain, u Rishi Sunak ha ka Sngi Balang u la sdang ia ka jingïalap ilekshon ha ka jingialang ba shisien shi snem jong ka seng.
Utei u nongialam ka Britain u la ialeh katba lah ban pynpaw ia ka jingshim khia bad ka mynsiem shakri jong u ia ka ri bad ia ki paidbah ka Britain khamtam ha ki por ba la leit ba ka Britain ka don hapdeng ki kynrum-kynram bad ka jing-angnud jong u ha kane ka por ka long ban ioh bat biang ia katei ka shuki hadien ka ilekshon jong u snem 2024.
U Sunak, u la don 43 snem ka rta bad la ong ba u la pynpaw ia ka jingthrang ban ioh shakri biang ia u paidbah ka Britain ha kine ki snem ki ban wan ban pynbit-pynbiang bad ban pynkhie im biang ia ki kam ki jam jong ka Britain baroh kumba ju long ha ki snem ba la leit.
