Shillong, Risaw 06
Ka jingïaid lynti ka kynhun ïalehkai U-14 jong ka H.K. Sing Secondary School ha ka 62nd International Subroto Cup Football Tournament ka la poi sha kaba kut hadien ba shah rem ha ka quarter final.
Kane ka kynhun ïalehkai kaba na West Jaiñtia Hills hapoh ka jingïalam u Bah Hopingstone Suting, ka la mad ïa ka jingshah rem ha ka Chawngfianga Middle School kaba na Saidan, Mizoram da 1-0 kol ha ka sngi Thohdieng.
Ym lah ban len ha kane ka jingïakhun, ki rangïalehkai ka Jylla ki la pyrshang ban ïakhun tyngeh naduh kaba sdang ha kaba ka la ïoh ïa ki kabu kiba biang, hynrei kam shym la lah ban pynurlong. Hynrei ka Mizoram ka la ïoh tang kawei ka kabu ksiar bad kam shym la pynlehnohei na ka bynta ban thep shi kol.
Ha kiwei pat ki jingïakhun quarter final ka kynhun na Assam ka la jop haduh 9-0 kol ïa ka Chandigarh, ka CISCE ka la jop ïa ka Kerala da 1-0 kol bad ka Sikim ka la shah rem noh ha ka West Bengal da 2-0 kol.
