Jowai, Risaw 06
Ka Wahïajer SC ka la khur jingjop hadien ba lah pynliem ïa ka Dulong da 2-1 kol ha ka lympung ïalehkai 1st Division Football Tournament na ka bynta ka Chatister Kharkongor Memorial Trophy 2023 ba la pynïaid da ka West Jaiñtia District Sports Association (WJDSA).
Ha kane ka jingïakhun kaba la long ha ka sngi Balang ha Kiang Nangbah Staium Ladthadlaboh, Jowai, ka Wahïajer ka la ïoh ban the par kol lyngba u Janario Phawa ha ka minit kaba 56 & 81, katba u Wansa o Laloo u la lah ban pynphai kylla shi kol na ka bynta ka Dulong ha ka minit kaba 88.
Ka jingïakhun ha ka sngi Saitjaiñ kan long hapdeng ka Luti Tuber SW pyrshah ïa ka Moosalyngkat ha ka por 2 baje janmiet.
