Shillong, Risaw 06
Ka Sanmer SC bad ka Umpling SC ki la ïasam mar shi point ha ka lympung ïalehkai SSA SRGT 3rd Division Football League 2023 hadien ba ki la ïakhaid mar 1-1 kol ha ka sngi Thohdieng.
Ha kane ka jingïakhun kaba la long ha madan Third Ground Polo, baroh ar ki kynhun kin shym la lah ban thep kol ha ka kylla step. Dei ha ka kylla miet ba ka Sanmer ka la ïoh ban pynkhih jar nyngkong eh lyngba u Babitdor D. Dorphang ha ka minit kaba 69. Hashwa ban wai ka Umpling ka la lah ban pynphai kylla lyngba u Carmelius Kharmih ha ka minit kaba 88 na ka bynta ban ïakhaid mar shi kol.
Kane ka lympung kan bteng biang ha ka sngi Saitjaiñ ha kaba ka Mawpat SC kan ïakhun pyrshah ïa ka Mylliem Lum SC ha ka por 3 baje, katba ka Nongumlong SC ïa ka Lawmali Pyllun SC ha ka por 5 baje jamiet.
