Khliehriat, Risaw 06
Ka Chiehruphi SYWSC bad ka Byndihati SC ki la rung sha ka quarter final jong ka lympung ïalehkai 1st Division Football Tournament ba la pynïaid da ka East Jaiñtia Hills District Football Asso-ciation (EJHDFA).
Kane ka la wan hadien ba kine kynhun ki la khur jingjop ha ka pre-quarter final kaba la long ha ka sngi Thohdieng ha madan Artificial Turf kaba don Diengshynrum, Khliehriat.
Ha ka jingïakhun pre-quarter final kaba nyng-kong, ka Chiehruphi SYWSC ka la pynliem da 3-1 kol ïa ka Pamrapaithlu SC. U Suting Syrti u la thep ar kol ha ka minit kaba 31 & 37 bad u Sa-o Bareh ha ka minit kaba 62. Katba ïa ka shi kol jong ka Pamrapaithlu la thep da u Firstboy Rymbai ha ka minit kaba 57.
Ha ka jingïakhun kaba bud, ka Byndihati SC ka la pynliem noh ïa ka Bataw YWSC lyngba ka shi kol ba la thep da u Kyrshan Nongtdu ha ka minit kaba 53.
Ha ka jingïalehkai ha ka 9 tarik kan long hapdeng ka Ladrymbai B SC pyrshah ïa ka Musniang ha ka por 12 baje nohphai sngi, katba ka Shilliang Umshong SC ïa ka Lumshken SC ha ka por 2:30 janmiet.
