Khliehriat, Risaw 06
Ka East Jaiñtia Hills District Football Association (EJHDFA) kan pynlong ïa ka lympung ïalehkai phutbol ba la tip kum ka ‘1st Open Veteran Football Tournament (40-Above)’ ha madan Artificial Turf kaba don ha Dieng-shynrum, Khliehriat.
U General Secretary kane ka synjuk Bah Coming Tlang u la pyntip ba ka bai rung kan long T.5000 na ka bynta kawei ka kynhun bad ïa ki rangïalehkai kan long T.20 mar uwei.
Ka bai pynrung kyrteng (registration fee) ïa ki kynhun kiba napoh ka district kan long T. 200 bad nabar district kan long T. 400. Ka tarik ba khatduh ban pdiang ïa ki kynhun kan long ha ka 10 tarik mynta u bnai.
Ka lahduh ha kane ka lympung kan ïoh ïa ka song pisa ba T. 30,000, katba ka kynhun ka ban wan ba-ar kan ïoh T20,000 ryngkat ki trophy.
Kumta ka EJHDFA ka la khot bad wer ïa ki klob, ki kynhun, kumjuh ki kynhun ba pynïaid da ki riewshimet ban wan ïashim bynta ha kane ka lympung ïalehkai. Ïa ki jingtip kiba kham bniah ki lah ban phone ha ki number 7005925506 & 9774860793.
