Sydney, Risaw:
Ha kane ka khubor, la ong ba kawei ka liengsuiñ rit ka la leit hap bakla sha ki bynta ba kyndong jong ka New South Wales hapoh Australia ha ka Sngi Thohdieng, ha kaba u nongñiah ‘Pilot’ jong katei ka liengsuiñ u la khlad noh ha ryngkat bad 3 ngut ki khynnah kiba shong hapoh katei ka liengsuiñ ha katei ka sngi.
Katei ka liengsuiñ ‘Cirrus SR22’ ka dei kaba mih na Canberra bad ka la leit hap bakla noh ha ka por kumba 3 baje nohphai sngi jong katei ka Sngi Thohdieng, hajan jong ka shnong Queanbeyan, kaba don kumba 290 Kilometre lane kumba (180 miles) na Sydney.
Ki tnat iarap jong ka Australia, ki la pyntip ba na ka liang jong ka tnat, ka la phah ia ki kynhun jongka ban leit poi mar-mar sha katei ka jaka tang mar ia ïohsngew ia katei ka khubor bad la ong ba katei ka liengsuiñ ka la kem ding lut khoit ha ka por ba ki briew jong ka tnat iarap ki leit poi ha katei ka jaka. Kumta, la pyntikna ruh ba ym shym don shuh kiba lait im na katei ka jingjia.
