Shillong, Risaw 08
Ka Meghalaya Cricket Association (MCA) ka la ïoh ban pynlong ka jingïalang ai khublei bad kitbok kitrwiang ïa ka kynhun ïalehkai kriket ka jylla ha ka kyrdan Senior Men’s bad U-19 Men’s ki ban pynkhreh ban ïashim bynta ha ki lympung jong ka BCCI jong kane ka aïom.
Ha nongbah Shillong, u Hono-rary Secretary ka MCA Bah Gideon Kharkongor, u Honorary Treasurer Dhruba Jyoti Thakuria bad u dkhot ka Apex Council Bah Peter Macdonald Kharsawian ki la ai ka jingkitbok kitrwiang ïa ka kynhun Senior Men’s ka ban mihkhmat ïa ka Meghalaya ha ka lympung Syed Mushtaq Ali Trophy, kaba dei ka lympung jong ka BCCI Domestic T20 na ka bynta ki shynrang.
Kane ka kynhun ïalehkai ka la sdang ka jingkilan met ha nongbah Shillong naduh ka 5 tarik mynta u bnai bad mynta kan pynkhreh pat ban ïakhun ïa ka jingïalehkai kaba nyngkong ha katei ka lympung pyrshah ïa ka Hyderabad ka ban long ha ka 16 tarik mynta u bnai ha Jaipur.
Katba na ka liang u Vice President ka MCA Bah Rayonald Kharkamni bad u Thakuria ki la hiar sha Jagiroad, Assam, ban ai khublei kitbok kitrwiang ïa ka kynhun U-19 Men’s ka Jylla ka ban ïashim bynta ha ka lympung Vinoo Mankad Trophy.
Ka jingkilan met jong kane ka kynhun, ka la kut noh ha ka sngi U Blei ha Jagiroad bad ha ka sngi Nyngkong kane ka kynhun kan mih ban leit sha Vijayawada ha Andhra Pradesh. Ka jingïakhun ba nyngkong jong ka Meghalaya kan long pyrshah ïa ka Bengal ha ka 12 tarik mynta u bnai.
Ka kyrteng jong ki nongïalehkai ka Meghalaya na ka bynta ka Vinoo Mankad Trophy ki long u Shubham Rasaily, Kshitij Singhania, Avinash Rai, Lensbirth N Marak, Rituraj Rabha, Angkit Tamang, Shahin Alome, Shavian Blah, Banialam J Mylliemngap, Josiah D Wanniang, Denikcheng Marak, Dingriko Marak, Bilgrak G Sangma, Charm Marbaniang, Da-u-la-biang Shangpliang
Bad ki Standby ki long u Thunun R Marak, Justin Fancon, Ferando BM Sangma, Dipankar Barua. Katba ki Support Staff ki long u Sandipan Deb Nath (head coach), Mark A Laloo (assistant coach), Gregory G Syiemlieh (trainer), Hamboy Langbang (physio), Prewindsong Sangma (manager).
Ki jingïakhun jong ka Meghalaya, 12 tarik pyrshah ïa ka Bengal, 14 tarik pyrshah ïa ka Uttarakhand, 16 tarik pyrshah ïa ka Hyderabad, 18 tarik pyrshah ïa ka Delhi bad 20 tarik pyrshah ïa ka Maharashtra.
Katba ki kyrteng jong ki nongïalehkai ka Meghalaya sha ka lympung Syed Mushtaq Ali Trophy ki long u Riboklang Hynniewta, Sylvester Mylliempdah, Arien Bonchang Sangma, Chengkam Sangma, Junjun M Sangma, Mewada Shylla, Sanvert Kurkalang, Kilco R Marak, Lerry G Sangma, Ram Gurung, Anish Charak, Akash K Choudhary, Amiangshu Sen, Rajesh Bishnoi (guest player), Nahul Verma (guest player) bad ki Standby ki long Lakhan Singh, Md Nafees Siddique, Adarsh Joshi, Sengpan Sangma, Robert R Sangma.
Ki Support Staff ki long u Goutam Shome (head coach), Moisten Ch Marak (assistant coach), Vikash Singh Chauhan (trainer), Surojit Biswas (physio), Dhruba Jyoti A Sangma (manager).
Ki jingïakhun jong ka Meghalaya kata ha ka 16 tarik pyrshah ïa ka Hyderabad, 17 tarik pyrshah ïa ka Mumbai, 19 tarik pyrshah ïa ka Mizoram, 21 tarik pyrshah ïa ka Chhattisgarh, 23 tarik pyrshah ïa ka Jammu and Kashmir, 25 tarik pyrshah ïa ka Haryana bad 27 tarik pyrshah ïa ka Baroda.
