C. B. Iawphniaw
Ha ka jinglongbriew manbriew ym ju biang dap tang ka kynriang suda. Haba phai ha ka rukom im jong ngi ki briew ka don tang ka jingduna suda. Haba phai ha ka shong-kha shongman ym don jingbeit tang ka knieh khawlang kaba pynïapher ïa ka jingïadei shipara. Kum ban shu ong noh kajuh ka kmie hynrei ka ioh tnga bun ngut. Kumta ka ioh khun uwei na uwei na uwei u kpa, uba ar na uwei u kpa. Uba lai na uwei u kpa bad kaba saw na uwei u kpa. Kajuh ka kmie ka ioh khun saw ngut.
Hynrei kine ki khun kim dei shipara trai. Balei nga ong kumne ka daw ka long ba ka kmie ka ioh khun saw ngut na ki saw ngut ki tnga. Te kine ki khun uwei na uwei u kpa uba ar na uwei u kpa uba lai na uwei u kpa bad uba saw na uwei u kpa. Kine kim don jingïadei na u symbai. Shipara trai ka dei tang na ujuh u kpa ym na ki kpa ba ïapher, wat la na ka juh ka kmie. Tang kito kiba ioh na ujuh u kpa keiñ ki ïa long shipara trai.
Hynrei ïa kum kine hap ban khot ki shipara ar kpa lai kpa….. ym shipara trai. Tang na ujuh u kpa kajuh ka kmie ki la long shipara trai. Shu ong noh kawei ka khun ka ioh kpa na u phareng, kawei na u china, kawei na u Khasi kawei na u kpa Negro. Kumno keiñ yn khot ïa kine ki shipara trai ? Hynrei ïa kine dei ban khot ki shipara ar kpa lai kpa ym shipara trai. Tang na ujuh u kpa kajuh ka kmie ki long shipara trai. Ngim dei ban sngewlehraiñ haba khot ba ki dei shipara ar kpa ne lai kpa. Kane kam dei ba naduh rympei la thynrei bad ym don jingbeit ha ki khun namar ba ïapher u symbai. Ujuh u symbai riewhadem lada ngi thung un mih hi u riewhadem, hynrei haba u symbai u ïapher ka jinglong ruh ka ïapher. U krai um lah ban kylla riewmadan lano lano ruh. Kynmaw ki ïing jongno-jongngo ruh ha bym ïa dei na ujuh u kpa kim dei shipara trai wat la ki ai jait sha ka kmie ruh. Hooid ki ïadei tang ha ka jait jinglong pat ka ïapher.
