Thane, Risaw:
U Thane Municipal Commissioner u la pynsangeh ïa ki 9 ngut ki khynnah pule jong ka Rajiv Gandhi Medical College ban bteng ïa ki jingpule halor ka jingleh donbor bad pynshitom beiñ ïa ki khynnah pule kiba dang sah thymmai ha ka Hostel, la ong ka jingthoh ba la phah da ki heh ba dei khmih.
Ïa kane ka jingpynshitom la leh hadien ka jingphah jingmudui bad katkum ka jingpyntreikam ïa ka Prevention of Ragging Rules, la ong ka jingthoh.
Ïa kane ka jaka pule la pynïaid da ka Thane Municipal Corporation. Ki khynnah pule ïa kiba la shah pynrem ha ka jingtohkit ki la shah beh na ka Hostel bad shah pynpep ba kin leit sha ka jaka pule da shi snem.
Ka University Grants Commission (UGC) ka la ïoh ïa ka jingmudui shaphang ka jingleh donbor ha ka Hostel jong ka jaka pule ha u bnai Nailur. Ka UGC hadien kane ka la hukum ïa ki nongpynïaid jong ka kolej ba kin leh eiei halor kane ka jingjia.
Ka kynhun bakyrpang ba la tip Kum ka Anti-Ragging Committee jong ka kolej ki la pynlong ïa ka jingtohkit, bad u Municipal Commissioner u Abhijit Bhangar u la leh ïa kaba donkam hadien ka jingkhmih bniah katkum ka kaiphot, la ong ka jingthoh.
