Srinagar, Risaw:
Uwei u khynnah samla ba la 16 snem ka rta u la shah pynïap ha ki suba lehnoh ha Anantnag distrik kaba don ha Jammu & Kashmir hadien ba u la pyrshah ïa ki lehnoh kiba thmu rung ha ïing jong u.
Kane ka jingshah pynïap jong une u khynnah ka la wanrah ka jingdom jingbitar ïa ki nongshong shnong jong baroh kawei ka thaiñ Anantnag ha kaba ki la pynpaw ka jingpyrshah jur.
Kane ka jingjia ka la jia arsngi hadien ba uwei u khynnah ïa uba la tip kyrteng kum u Sahil Bashir Dar u la shah siat ha ki lehnoh ki bym shym la lah ban ithuh habar ka ïingsah jong u kaba don ha ka thaiñ Wetergam Dyalgam jong ka Anantnag.
Ka hynmen jong u Sahil ka la ïathuh ba la don kumba katto katne ngut ki briew kiba la rung hapoh ïing jong ka bad leit peit ïa ki, ka kmie jong ka ka la pyrta jam ban pan jingïarap da kaba ong ba ki nongtuh ki la rung ha ïing jong ki.
Kine ki briew kiba la kah durkhmat ki la pynshisha ba kim dei ki nongtuh bad ha kane ka por u Sahil u la pynibor pyrshah ïa uwei napdeng jong ki bad uwei pat u la siat ïa u na ryngdang bad phet noh mar ïadep leh ïa kane ka kam.
Na ka jingjur palat ka jingmynsaw u Sahil u la khlad noh ha ka miet jong ka sngi Palei.
