Shillong, Risaw 09
Ka Tynring SC ka la khur ïa ka jingjop kaba nyngkong na ka Group-D jong ka lympung ïalehkai SSA SRGT 3rd Division Football League 2023, hadien ba pynliem ïa ka Rynjah SC da 1-0 kol ha ka Lah Sngi U Blei ha madan Polo.
Ha kane ka jingïakhun baroh ar kynhun ki la pyrshang ban ïakhun tyngeh naduh kaba sdang, hynrei kim shym la lah ban thep haduh kaba kut jong ka kylla step.
Dei ha ka jingïakhun jong ka kylla miet ba ka Tynring ka la ïoh ban pynkhih jar nyngkong eh lyngba u Mebalabiang Marboh ha ka minit kaba 51. Wat la ki rangïalehkai ka Rynjah ki la pyrshang ban pynphai, hynrei kim shym, la lah ban pynurlong bad ha kaba kut ka la mad ïa ka jingshah rem.
Ka jingïalehkai jong ka Group-A ha ka sngi Ba-ar kan long hapdeng ka Lapalang SC pyrshah ïa ka Krang SC ha ka por 1:30, katba ha ka Gorkha Association ia ka MLP F.T ha ka por 3:30 janmiet, katba ha ka Group-B ka Mawryngkneng SC kan ïakhun pyrshah ïa ka Nongkseh SC ha ka por 5:30 janmiet.
