Shillong, Risaw 09
Ka Shillong Lajong Foot-ball Club kan sdang ïa ka jingïalehkai kaba nyng-kong shabar na la ïing ha ka lympung I-League 2023-24 pyrshah ïa ka kynhun kaba na Kolkata, ka Mohammedan SC ha ka 3 tarik u Naiwieng mynta u snem ha Bankimanjali Stadium.
Kane ka la wan hadien ba ka All India Football Federation ka la pyllait ïa ki prokram ïalehkai ha ka taïew ba la dep. ïa kane ka lympung yn sdang ha ka 28 tarik mynta u bnai ha kaba ka Real Kashmir FC kan ïalehkai nyngkong ha la ïing pyrshah ïa ka Rajasthan United FC bad ka Gokulam Kerala FC ïa ka kynhun ba dang thymmai ka Inter Kashi.
Hadien hynriew sngi ka Lajong kan wanphai sha la ïing na ka bynta ban ïakhun pyrshah ïa ka NEROCA FC ha ka 9 tarik.
Ha kane ka lympung ki don 13 tylli ki kynhun ki ban ïashim bynta ha kane ka aïom ïalehkai 2023-24. Kine ki kynthup ïa ka Sreenidi Deccan FC, Gokulam Kerala FC, Tiddim Road Athletic Union, Real Kashmir FC, Churchill Brothers FC Goa, Aizawl FC, Mohammedan Sporting Club, Rajasthan United FC, Neroca FC, Shillong Lajong FC, Delhi FC, Inter Kashi bad ka Punjab Namdhari Sports.
Ha kawei pat ka liang ka Indian Women’s League kan sdang ha ka 8 tarik u Nohprah ha kaba ïa ki prokram ïalehkai yn sa pynbna da ka AIFF. Ka jingïalehkai kaba nyngkong kan long hapdeng ka lahduh jong ka aïom la lah ka Gokulam Kerala FC pyrshah ïa ka Sethu FC ha Kozhikode.
Ha kane ka lympung ki don hynñiew tylli ki kynhun ki ban ïashim bynta. Kine ki kynthup ïa ka Gokulam Kerala FC, Kickstart FC, Sethu FC, Odisha FC, East Bengal, HOPS FC bad ka Sports Odisha.
