Shillong, Risaw 10
Ka Meghalaya Athletics Association (MAA) ka la sei madan haduh 37 ngut ki khynnah ïalehkai ki ban mihkhmat ïa ka Jylla ha ka lympung ïalehkai ba la tip kum ka 34th East Zone Athletics Championship ka ban long naduh ka 17 haduh 19 tarik mynta u bnai ha Kolkata, West Bengal.
Na kine ki nongïalehkai, 18 ngut ki dei ki shynrang bad 19 ngut ki dei ki khynnah kynthei. Ka jingjied ïa kine ki khynnah ka long lyngba ka jinglah ban ïalehkai bha ka jong ki ha ka Chief Minister State Level Athletics Meet kaba la long mynta ka snem.
Ki kyrteng jong ki khynnah shynrang ban leit ban ïashim bynta ha kane ka kynti ki long u Donbok Shabong (U-20 Event- 400M), Kyrshanlang Shylla (U-20 200M & 400M), Repol Dkhar (U-20 100M & 200M), Pringchang N. Sangma (U-20 High Jump), Simeon Marak (U-20 High Jump), Everroy Myrsing (U-20 100M), Primus Ronghi (U-20 High Jump & Long Jump), Renaldi Dhar (U-18 100M & Long Jump), Tushal M. Sangma (U-18 Javelin Throw), Nidawan Lyngdoh (U-18 400M), Bettingstar N. Sangma (U-16 Long Jump), Henry Yoga Sangma (U-16 100M), Embhahlang Lyngdoh (U-16 100M & 300M), Rishanmehi Ryngkhlem (U-16 – 2000M), Ram Shylla (U-16 2000M), Channangbirth R. Marak (U-16 Long Jump), Saidul Ali (U-14 60M & Long Jump) bad u John Milton Sohphoh (U-14 Shot Put & Kids Javelin).
Ha ka liang ki kynthei ki long ka Bethlyne G. Makri (U-20 400M & 800M), Rinalis Ingty (U-20 High Jump), Marqueenless Ramsiej (U-20 3000M & 5000M), Riyoka Rymbai (U-20 Long Jump), Anuska Majhong (U-18 High Jump), Joytiful Narlong (U-18 Long Jump), Anrisha Klein (U-18 High Jump), Damika R. Lyngdoh (U-18 100M & 200M), Wailuti Lyngdoh (U-16 Shot Put), Kasanchi D. Marak (U-16 Long Jump), Melibad Kro (U-16 Discus Throw & Javelin Throw), Sibilda Maring (U-16 High Jump), Rukini RT Dkhar (U-14 600M), Turoi Phawa (U-14 60M & Long Jump), Tusame Marak (U-14 High Jump), Carla Emika Myrboh (U-14 60M), Enriyana G. Momin (U-14 Long Jump & High Jump), Adorebella Syntem (U-14 Shot Put & Kids Javelin) baa ka Assembly Dkhar (U-14 Shot Put & Kids Javelin).
Ïa kane ka kynhun yn ïalam da u coach u Plesantly Synnah, katba Physio pat ka dei ka Maradona Khongsni.
