Amaravati, Risaw:
Ka Andhra Pradesh High Court ha ka Lah Sngi U Blei ka la kyntait ïa lai tylli ki jingkyrpad jong u Myntri Rangbah barim jong ka jylla Andhra Pradesh u Nara Chandrababu Naidu uba la kyrpad ban pyllait jamin shipor ïa u ha kaba ïadei bad ki lai tylli ki mukotduma kiba dei halor ki jingjia kiba la mih na ka Inner Ring Road, Fiber Net bad ka Angallu 307, la ïathuh ka tyllong khubor. Ka jingkyrpad jamin jong u ha kaba ïadei bad ka jingkyrpad jong u ka la shah kyntait noh naba u dang dei ban shah set na ka bynta ka jingshah tohkit.
Ha kaba ïadei bad ka jingjia kaba la jia ha Inner Ring Road, ka High Court ka la kyntait ïa ka jingkyrpad jamin.
Kum ban shu pynkynmaw, la ong ba u N. Chandrababu Naidu, uba long u President jong ka Telugu Desam Party bad u Myntri Rangbah barim jong ka Andhra Pradesh u la shah kem ha u bnai ba la dep ha kaba ïadei bad ka jingdon jong ka kam bamsap kaba la mih na ka jingthmu ban wanrah ïa ki rukom pyntreikam ha ka kam pynroi ha kaba katkum ka jingtohkit kaba ha shwa ka kynhun tohkit ka la pynshisha ba ka la don ïa ki sakhi halor ki jingleh jingkam jong u Myntri Rangbah barim jong ka jylla.
Ha ki khyndiat sngi ba la lah, u dkhot jong ka seng TDP u Varla Ramaiah u la kynnoh ba u Myntri Rangbah jong ka jylla Tamil Nadu u YS Jagan Mohan Reddy ba u la kput kylliang, bishni bad shun kumba ka paw na ka jingshahkem jong u heh nongïalam jong ka seng TDP u N Chandrababu Naidu ha kaba ïadei bad ka jingjia jong ka kam bamsap kaba la mih na ki jingai jinghikai na ka bynta ban wanrah ïa ki kam pynroi ha ka jylla kumba la mang ha shwa ban pyntreikam.
Ha ka jingïakren bad ki nongthoh khubor, ha ka jaka treikam jong ka seng TDP, u Varla u la sngew ba ka long kaba sniewbok ba da kaba byrngem ïa u heh CID u N Sanjay, u Myntri Rangbah u la buh ïa u Naidu ha ka patok ha Rajamahendravaram Central Prison da kumba 25 sngi.
Ha kaba ïadei bad ka jingong ba la ka long ka sorkar jylla ne ka kynhun CID ki bym don kino kino ki sakhi ban pynshisha halor ka jingshah kynnoh donkti jong u Myntri Rangbah barim ha ka kam bamsap, u la ong,
“U Jagan bad ki nongbud jong u ki la trei shitom ban pynngeit ïa ki briew ba u Naidu u la leh ïa kaba bakla. Ka Social Media jong ka seng YSRC ba la wanrah da u Sajjala Bhargava Reddy, ha ryngkat ka jingïatreilang bad ka I-PAC ka la paw ba la pyrshang ban wanrah da ki sakhi thok ki ban long pyrshah ïa u Naidu.”
