Amaravati, Risaw:
U Myntri jong ka Andhra Pradesh u YS Jagan Mohan Reddy ha ka Lah Sngi U Blei u la pynlong ïa ka jingïalang bad ki heh nongïalam halor ka mat ba ïadei bad ka wah Krishna hadien ka jingïakren jong ka Kynhun Myntri jong ka sorkar kmie halor ka jingpyntreikam ïa ka Krishna Water Disputes Tribunal II (KWDT-II).
Ka sorkar jylla ka la rai ban leit sha Supreme Court hadien ba la ïoh jingthoh na ki heh sorkar ha kaba ïadei bad ka jingphah pyntreikam kumba ki hukum ba la wan na ka Tribunal jong u Birjesh Kumar.
U Myntri Rangbah u la ïa pyrkhat kam bha ba ki heh jong ka tnat sam um bad ki riewshemphang bad ban pyntreikam halor ki jingthmu ba la buh ha shwa halor ka um kaba na ka wah Krishna, la ong ka jingthoh kaba la wan na ki heh ba dei khmih.
Ka sorkar Andhra Pradesh ka la rai ban buh ka jingkyrpad hapoh ka Supreme Court halor kane ka mat.
Ki heh sorkar ki la pynshai da kaba ong ba ka jingtreikam jong ka Andhra Pradesh Reorganisation Act ha kaba ïadei bad ka jingphah pyllait ïa ka um na ka wah Krishna ka dei ka jingthmu pyntreikam kaba ha shwa ban phiah ïa ka jylla.
U Myntri Rangbah u la hukum ïa ki heh sorkar ba ki la dei ban treikam bad ban ïaid shakhmat ha kaba ïadei bad ka jingmyntoi jong ka jylla khlem kino kino ki jingkylla ktien, kynthup ha kaba ïadei bad ki shithi sha u Myntri Rangbahduh u Narendra Modi bad u Myntri ki kam pohïing jong ka sorkar kmie u Amit Shah.
