Mairang, Risaw 11
Ka Shipara ka la pynkhreh shaid shaid ban pynlong ïa ka lympung ïalehkai phutbol kaba heh duh ha ka thaiñ Mawkyllei, Eastern West Khasi Hills ïa kaba la tip kum ka 1st Invitation Football Tournament Knockout 2023-2024 ha madan jong ka Mawkyllei Sports Club Social & Cultural Organisation.
U Publicity Secretary ka Shipara u Bah S.N Lyngdoh ha ka kyrwoh u la ong ba ïa kane ka lympung yn sdang ha u Naiwieng. Te kumta ka la wer ïa ki klob na kylleng ka Ri Khasi Jaiñtia ba kin wan ïashim bynta.
Shuh shuh u la ong ruh ha kane ka lympung yn pdiang tang 16 tylli ki kynhun bad ka khusnam kan long T.6 lak kynthup ïa ka T.4 lak na ka bynta ka lahduh bad T. 2 lak ïa wan ba-ar.
U la ong ruh ha kane ka lympung kan don ruh ka khusnam kaba kyrpang kaba kynthup ïa ka nam Best Player, best Goalkeeper, Top Scorer, Best Defender, bad Discipline Team. Ka tarik ba khatduh ban pdiang ïa ki kan long ha ka 31 tarik mynta u bnai.
Shuh shuh u la ong ruh ba nalor katei ka lympung ïalehkai, kan don ruh sa kawei pat ka lympung ïalehkai phutbol ba la tip kum ka Open To All Football Tournament Knockout 2023-2024 ïa kaba ka khusnam na ka bynta baroh kan long T.5 lak, kynthup T. 3 lak ïa ka lahduh bad T.2 lak ïa kaba wan ba-ar lem bad ki trophy.
U la ong ruh ba ha kane ka Open To All, ka bai rung kan long T.1000 bad ka tarik ba khaduh ban pdiang ïa kiba kwah ban ïashim bynta kan long ha lane shwa ka 31 tarik mynt u bnai. Ïa ki jingtip ba bniah ki lah ban phone ha ki number 9362044268 & 8837385040.
