Hong Kong, Risaw:
Hadien ka jingleit thombor jong ki lehnoh Hamas ia ka Israel, la ong ba ka dor jong ka umphniang ka la kiew da 4% ha ka Sngi Nyngkong. Kane ka la wanrah ia ka jingsngewkhia namar la ong ba ka jingkiew dor ki kynja umphniang ka lah ban nang kiew shuh shuh naba kane ka la sdang ban kiew dor kynsan-kynsan mar ia khie ka thma ha Israel, ha kaba ka dor jong ka umphniang ha Brent ka la kiew 4.7% na baroh shi katta sha ka $86.65 bad ha West Texas pat ka la kiew da 4.5% sha ka $88.39 ha ka Sngi Nyngkong.
Katei ka jingshah thombor ba kyndit-kynsan jong ka Israel ha ki lehnoh Hamas ka la pynlong ia ka Israel ba kan pynbna da ka thma pyrshah ia kitei lehnoh na Palestine. Da ka jingkhie jong kane ka thma ka la wanrah ruh da hajar ki jingïap briew bad buh jingma ioh kan pur sa sha ka United States bad ka Iran ruh kumjuh namar ki jingiadei kam jong ki.
