Shillong, Risaw 12
Ka Meghalaya Golf Promoters’ Society (MGPS) ka la pynbna ïa ki kyrteng jong saw ngut ki nongïalehkai golf ki ban mihkhmat ïa ka Jylla sha ka National Games ka ban long ha Goa.
Kine ki kynthup ïa u Johnwell G. Momin (professional category) bad u Jonathan Ïawphniaw (ama -teur) ha ka liang ki shynrang, katba ha ka liang ki kynthei ki long ka Daphisha Phanbuh Shul-lai (professional) bad ka Teesta Rawat (amateur).
Na ka liang ka Synjuk ka la ïathuh ba ka la pynlong ïa ka jingjied ïa ki nongïalehkai (selection trial) ha u Nailur bad mynta u bnai Risaw ha ka jaka ïalehkai tied golf kaba ha Golflinks, Shillong
Ïa kane ka National Games ka ban long ha Goa, yn sdang naduh 25 tarik mynta u bnai haduh 9 tarik u Naiwieng. Ïa ka jingïalehkai saikil bad golf yn pynlong ha nongbah Delhi.
Te kumta ïa kane ka jingïalehkai tied Golf yn pynlong naduh 5 haduh 9 tarik u Naiwieng mynta u snem ha Delhi Golf Club.
