Israel, Risaw:
Katkum ki khubor la ong ba ka Israel ka la byrngem pynhiar kput bad pynjot syndon ia ka Hamas namar ka jingleh kaba la pynbitar ia ka Israel bad da ki hajar ngut ki mynsiem ba lui-lui ki la shu duh ei ia ka jingim ha ki kam thombor dusmon jong kitei ki lehnoh hapoh Israel.
Kumta ruh la ong ba ka Israel ka la pynbna ba ka la dep khang lut ia baroh ki jingiadei kam bad ka Gaza naduh ka bor ding ilektrik, ka bam bad wat ka jingpynpoi ia ka um ruh kumjuh. Kumta la ong ba watla ki briew jong ka Gaza ki lait na ki bom jong ka Israel, hynrei kumno pat kin lait na ka jingïap thngan bad ka jingtyrkhong. Kane ka long ka daw jong ka jingleh pyrshah ia ka Israel bad kaba la pynbitar ia ka Israel haduh ba ka Israel ka la rai ban pynduh bam bad pynduh-pyndam syndon ia kitei ki jaitbynriew ha Gaza ha kane ka sien.
