Ka Komishon Separate Dist. Council kan shim sakhi
Ka Komishon hapoh ka jingïalam jong u Mr. G. P. Jarman ba la thung khnang ban sngap ïa ki ñia jong kiba kwah Dist. Council kyrpang bad kiba pyrshah ïa kata kan leit sha Jowai ha ka 4 tarik u Naiwieng, bad kan sngap ïa ki ñia dawa bad pyrshah naduh ka 5tarik hauh 7tarik man ka sngi naduh 9baje mynstep. Ka jingpynbeit ha Jowai ka long ban sngap ïa ki ñia jong baroh kito kiba la ai jingthoh (memoranda) ba dei na ka sub-division Jowai. Ka Komishon kan shim sakhi pat de ha Shillong naduh ka 11 tarik haduh ka 14 naduh ka 10 baje mynstep man ka sngi khnang ban ai lad ïa baroh kito kiba la ai jingthoh ba dei na ka Shillong sub-division.La sngewthuh ruh ba ha ka por ba ai sakhi lah ban ïa don lang bad ba dawa bad ba pyrshah ha kajuh ka por tangba yn kren tang ka liang bad tang kito kiba dei pali. Ki briew jong kawei ki lah tang ban shu sngap. Ka Komishon kan sngap nyngkong ïa ka ñia jong ka liang dawa Seprate Dist. Council bad kan sa sngap ïa ki ñia pyrshah pat hadien.
[U NONGSAIÑ HIMA (23 tarik Risaw, 1963)]
