Bengaluru, Risaw:
Ka High Court jong ka Karnataka ha kine ki khyndiat sngi ba la leit ka la ai jingbit ïa ka sorkar jylla ba kan thungkam ïa kumba 13,352 ngut ki nonghikai na ka bynta klas 6 haduh klas 8 ha kaba ïa ki kyrteng jong ki la dep ban pynbna ha ka thup kyrteng kaba la mih ha ka 8 tarik, Lber, 2023.
Ha kaba ïadei bad kane, napdeng kine, ki nongthep kam kiba la shahjied katkum ki hukum jong ka kynhun jong uwei nongbishar ha ka 30 tarik, Kyllalyngkot 2023 yn sa pynsah halor ka jingïakhun jong ki ha ka Selection ban phiah da ka Karnataka State Administrative Tribunal (KSAT), la ong ka ïingbishar.
Ka jingpyntreikam ban thungkam ïa ki 15,000 ngut ki nonghikai ka la sdang da ka jing-ithuh da ka Deputy Director of Public Instructions (DDPI) ha u Rymphang jong u snem 2022.
Ki heh ba dei khmih ki la pynbna ïa ka thup kyrteng kaba nyngkong ha ka 18 tarik, Naiwieng jong u snem 2022.
Ki la don da ki spah ngut ki Other Backward Caste (OBC) kiba dei ki kynthei kiba la ïathoh kiba dei ki nongthep kam ha kaba ki la leit mih sha u nongbishar ha kaba la ong ba ki la shah buh dak kum ki General Merit Candidates namar ba ki la shah pynbiang da ka jingïoh bad ki Caste Certificate jong ki kpa jong ki ha ka jaka ban buh da ka jong ki kurim.
Ka jylla ka la shim ïa ki kyndon ha kaba la ai jingbit ban khmih bniah tang ïa ki syrnot jong ki kurim jong ki kynthei kiba la ïathoh kiba dei ki nongthep ïa ka kam nonghikai.
U nongbishar ha kaba ïadei bad kane, u la hukum ba ïa ka jingïoh bad ki Caste Certificate jong ki kurim jong kine ki nongthep kam la dei ban pdiang ïa ki ne ban khmih bniah.
