Riyadh, Risaw:
U nongialam jong ka ri Saudi Arabia ha ka jingïakren bad u President ka Palestine- u Mahmud Abbas, u la ong ba na ka liang ka Saudi Arabia ruh kan ialeh katba lah ban tem ia ka ding kaba rhem ha kane ka por bad ban nym ailad ba katei ka thma hapdeng ki lehnoh Palestine bad ka Israel kan pur bad heh shuh shuh.
Utei u nongialam ka Saudi Arabia- u ‘Crown Prince’ Mohammed bin Salman u la iakren bad u Abbas ba ka ri jong u kan ym ieh noh ia ki nong Palestine bad ka Saudi kan don bad ïeng ryngkat- ryngkat bad ka Palestine ha ki liang baroh.
Hynrei, u Prince Mohammed u la ong ba ha kum kane ka por, ka long kaba donkam ban leh ia kaei kaei ka ban ym wanrah jingïakynad bad kaba kongsan ka long ban pynkut ia katei ka thma khnang ba kan nym pur ne heh hadien.
