C. B.Iawphniaw
Ka Jylla Meghalaya ka long ka kyrteng ka Ri ki lyoh. Kane ka kyrteng ka pynpaw ba kam ïahap haei haei bad ki briew ba shong ba sah hapoh ka Jylla. Balei leit ai kyrteng khlem da bishar sani kat ïa ka kam ïap kam im ka Ri. Ha ka jingshisha la dei ban ai kyrteng ban pynneh pynsah nam ïa ki jaitbynriew ba shong ba sah ha Jylla naduh kulong kumah kum ki Khasi – Pnar bad Garo ne Achik. Phewse la suit la shor bad ai kyrteng pynban da ka Hima ki lyoh. Kiwei kiwei ki Jylla ka kyrteng ka ïahap bad ki briew ba shong ba sah ha ka.
Mynta lei lei la iohi ba ka ri India ruh ka kwah ban pynkylla noh ïa ka kyrteng India sha ka Bharat. Te balei ka sorkar jongngi pat ka kwah ban pynneh sah ïa ka kyrteng nongwei (Meghalaya) bym ïahap bad ki briew ba shong ba sah ha ka Jylla. Hato ki briew jongngi ki kham sngewtynnad ïa ka kyrteng nongwei ban ïa ka kyrteng ki trai Ri trai muluk. Shano keiñ ka ri kan poi? Ka Ri Sri – Lanka mynshuwa la tip bad la ai kyrteng da ka Ri Ceylon katba mynta la pynkylla noh sha ka Sri – Lanka. Te kan eh aiu ban R – named ïa ka Jylla ne ka Ri katkum ka kyrteng tynrai jong ki briew ba shong ha ka. Kam don jingsniew ei ei ban pynkylla (Re-name) ïa ka Ri.
