Ghaziabad, Risaw:
U Myntri Rangbahduh Narendra Modi un sa plie paidbah ïa ka RapidX Metro ha Ghaziabad ha ka 20 tarik, Risaw.
Ka kynhun jong ki shipai sorkar ka National Security Guard (NSG) kin sa ïaid shakhmat ha ka ban pynbiang ki jingpyntreikam na ka bynta ban ai jingshngaiñ na ka bynta ka prokram plie ka ban long ha Ghaziabad ha kine ki ar sngi ban wan.
Kumba la ïathuh ka tyllong khubor kaba la wan na ka kynhun NSG kaba la wan lyngba ka lad phah khubor, la ong ba ha ryngkat ka jingtreilang jong kine ki kynhun, la buh ban pyntreikam ruh da kor ki bor kiba khlaiñ, ki kynhun Anti-Drone ha sawdong jong ka RapidX Metro.
Hadien ka jingkhmih bniah ïa ka jaka kaba don ha ka jingheh kaba 20 km kaba ker tawiar ïa kane ka jaka ka ban pynlong ïa kane ka prokram jong ka RapidX Metro, ki shipai Commando kin sa shah pyntreikam ha kiba bun ki ïing.
Ha ryngkat ka kynhun NSG, ki la don ruh kumba 10 tylli ki kynhun Search Squads, kumba 5,000 ngut ki shipai na kiba bun ki tnat treikam ki ban shah kynthup ha kane ka jingpyntreikam ha kaba kine kin sa shah pyntreikam ha ki lai sngi ban wan.
La khmih lynti ba kin sa don kumba 50,000 ngut ki briew ki ban don bynta ha katei ka sngi ban plie ïa ka RapidX Metro ha Ghaziabad.
