Shillong, Risaw 17
Ka Assam Rifle Public School (ARPS) ka la nang jan ban jam sha ka quarter final ha ka kyrdan ïalehkai U-17 jong ka lympung ïalehkai 62nd Subroto Cup Football Tournament 2023.
Kane ka la wan urong hadien ba ka lah pynliem noh ïa ka Khajaman H.S.S, Trichy (Tamil Nadu) da 1-0 kol na ka bynta ban ïai bteng jingjop kaba lai jong ka Pool-D.
Kane ka jingïakhun ka la long kaba itynnad bad kaba ïakhaid bha ha ka rukom ïalehkai, hynrei ka Assam Rifle hapoh ka jingialam u Bah Badamut Riahtam (coach) ka la ïoh ban pynkhih jar nyngkong eh lyngba u Ratson Lingu ha ka minit kaba 12.
Kane ka jinglah ban thep ha ka ban thep kol ka la neh haduh kaba kut jong ka kylla step. Wat hadien ba la bteng biang ïa ka jingïakhun jong ka kylla miet katei ka kynhun ka Jylla kam shym la ailad ïa ka liang pyrshang ban pynphai kat haduh ba ka la mad ïa ka jingshah rem.
Te kumta ka Assam Rifle kan donkam ban ïalehkai bha ha ka jingïakhun kaba saw bad kaba khatduh pyrshah ïa ka San-jeevan Vidhyani-ketan & Chhatrapati Shivaji Kanishta Maha-vidyalaya kaba na Maharashtra ha ka sngi Balang ha ka por 3:30 janmiet khnang ban kan lah ban pynthikna ban jam sha ka quarter final.
