Jowai, Risaw 17
Ka lympung ïalehkai Super Division Football Tour-nament 2023 kaba tip kum U Kiang Nangbah Memorial Trophy ba la pynïaid da ka West Jaiñtia District Sports Association (WJDSA) kan sdang mynta ka sngi Balang ha Kiang Nangbah Stadium kaba ha Ladthadlaboh, Jowai.
Ha kane ka lympung ki don 8 tylli ki kynhun kiba kynthup ïa ka Khimusniang, Shangpung Lumïawmu-shai, Sailung Ïalong, Nangbah Mulang, 7 Wasa United, Ladthadlaboh, Mukhla Raij SC bad Mynthong.
Ha ka sngi sdang ka jingïakhun kan long hapdeng ka Khimusniang pyrshah ïa ka Shangpung Lumïawmushai ha ka por 2 baje janmiet.
Haba phai sha ka lympung ïalehkai 1st Division Football Tournament (Chatister Kharkongor Memorial Trophy 2023), ka Demthring SC ka la pynliem ïa ka Sabah Muswang SC lyngba ka shi kol ba la thep da u Justify Ryngkhlem ha ka minit kaba 45+1.
Ka jingïalehkai ha ka sngi Balang kan long hapdeng ka Mookyndur pyrshah ïa ka Nangbah Ïawmusiang ha ka por 12 baje mynsngi.
