Jowai, Risaw 16
Ka Wahïajer SC ka la ïoh jingjop, katba ka Moosalyngkat SC bad ka Sohmynting SC ki la ïakhaid khlem don ba lah ban thep kol ha ka lympung ïalehkai 1st Division Football Tournament (Chatister Kharkongor Memorial Trophy 2023).
Ïa kane ka lympung la pynïaid da ka West Jaiñtia District Sports Association (WJDSA) ha madan Kiang Nangbah Stadium Ladthadlaboh, Jowai ha ka lah sngi U Blei.
Ha ka jingïakhun kaba nyngkong, ka Moosalyngkat SC bad ka Sohmynting SC ki la ïasam mar shi point hadien ba kim shym la lah ban thep kol haduh kaba kut ka jingïalehkai.
Ha ka jingïakhun kaba bud, ka Wahiajer SC ka la pynliem noh ïa ka Luti Tuber WS da 2-1 kol. Ïa ki kol jong ka Wahiajer la thep da u Ebormi Jat ha ka minit kaba 22 bad u Heimonmi Dkhar ha ka minit kaba 35. Katba ka shi kol jong ka Luti Tuber WS la thep da u Swaki Dhar ha ka minit kaba 48.
Ka jingïalehkai ha ka sngi Ba-ar kan long hapdeng ka Sabahmuswang pyrshah ïa ka Demthring ha ka por 2.00 baje nohphai sngi.
