Shillong, Risaw 17
Ka State Level Youth Exchange Program ka la sdang ha ka sngi Ba-ar ha kaba ka Deputy Commis-sioner jong ka East Khasi Hills District ka Kong R.M Kurbah (IAS) ka la long ka kongsan ha Convocation Hall kaba don ha phyllaw jong ka skulbah NEHU, Shillong.
Ha kane ka prokram la wan ïashim bynta da kumba 650 ngut ki samla kiba don ïa ki sap kiba kyrpang na ki 12 tylli ki district jong ka Jylla na ka bynta ban ïalum lang shi jaka ban pyni ïa la ki sap bapher bapher bad ruh ban ïasam ruh sha kiwei.
Ïa kane ka prokram ka ban kut haduh ka 20 tarik mynta u bnai, la kyrshan lang da ka tnat Direc-torate of Sports & Youth Affairs jong ka Sorkar Jylla. Ha kane ka sngi la ïadon lang u Bah P.B War Nongbri, Asst. Director ka tnat ïalehkai, kumjuh ka Kong. A. Swer, Secretary barim jong ka Bharat Scout & Guides, u A. Nikkam, Director ka NYK, Bah F. Rumnong, NSS Officer, ki District Sports Officer lem bad u Bah G.E Lyngdoh (DSO barim).
