Tel Aviv, Risaw:
U Secretary of State jong ka United States, u Antony Blinken ha ka Sngi Ba-ar u la iathuh ba ka United States bad ka Israel ki la mynjur ban iatrei lang halor kumno ban pynpoi ia ki lad jingiarap bad ki mar bam- mar dih sha Gaza Strip.
U Blinken u la ong ba da ka jingkyrpad jong ka tnat, ka United States bad ka Israel ki la lah ban mynjur halor kumno ban thaw lad ban ioh pynpoi ia ki lad jingiarap sha ki paidbah nongshong shnong ka Gaza baroh kawei. Khamtam ha kum kane ka por ba ki la kylla long kum ki phetwir, bad kiba la mad ia ka jingkyrduh bam, ka um bad kiba la shong khlem bor ding ha kine ki taiew naduh ba sdang ka thma ki lehnoh Hamas bad ka Israel.
