New Delhi, Risaw:
Katkum ki khubor la ong ba ka United States, ka China, ka Korea bad ka Taiwan ki la sngew khuslai halor ki kyndon bad jingpyrkhing jong ka India haba iadei bad ka jingshalan bad jingpynpoi ia ki komputor ‘Laptop’ bad ia kane ka mat la rah hapdeng ka jingialang jong ka World Trade Organisation (WTO).
Katei ka jingialang jong ka Committee ka WTO haba iadei bad ka iew iadie-iathied jong ki ri ka pyrthei, ka la long ha ka 16 tarik u Risaw, hapoh ka jingialam jong u Renata Crisaldo jong ka ri Paraguay bad kaba la pynlong hapoh Geneva.
Kumjuh ruh ka US ka la ong ba katei ka rai jong ka India kan ktah ia ka khaïi- pateng hapdeng ka India bad United States, kynthup ia ka jingpynpoi ia kitei ki tiar na US sha India.
Ha ka 3 tarik u Nailar, ka India ka la pynmih ia ki kyndon pyrkhing haba iadei bad ki tiar IT Hardwarekum ki Laptop, ki computer ‘Desktop’ bad kumjuh ruh ki Tablet Computer, ki Micro Computer bad kiwei- kiwei de, kum shi bynta ban kyntiew ia ka iew iadie- iathied jong ka India bad ban pynduna noh ia ka jingiadie iathied bad ka China.
Kane ka jingbuh kyndon bad jingpyrkhing jong ka India kan sdang naduh kane ka 1 tarik jong u Naiwieng u ban sa wan.
Watla katta, u Commerce Secretary jong ka India, u Sunil barthwal ha ka taiew ba la lah u la ong ba ka India kan ym khang ia ka jingshalan ia kitei ki tiar hynrei kan peit thuh bha halor ka rukom pynpoi ia kitei ki tiar shabar ri.
