Amlarem, Risaw 18
Ka Umladkhur SC ka la khur ïa ka jingjop ha ka lympung ïalehkai Super Division Football League ba la pynïaid da ka Amlarem Sub Divisional Sports Association (ASSA).
Kane ka la wan hadien ba ka la pynliem noh ïa ka Seinbhalang Shkentalang da 2-0 kol ha ka sngi Balang ha Mini Stadium Ladjaplem kaba ha Amlarem. Ïa kine la thep da u Khamti Lamurong ha ka minit kaba 33 bad ïa kawei pat la pynbud da u Dongmi Surong ha ka minit kaba 54.
Kane ka lympung kan bteng biang ha ka sngi Thohdieng hapdeng ka Mupyut SC pyrshah ïa ka Amlarem Social SC ha ka por 2:30 noh phai sngi.
