Shillong, Risaw 18
Ka tnat ïalekai jong ka skulbah North-Eastern Hill University kan pynlong ïa ar tylli ki lympung ïalehkai ba la tip kum ka NEHU Inter College Football (Women) ka ban sdang naduh 30 tarik mynta u bnai bad ka NEHU Inter College Cricket (Men) Tournament ka ban sdang naduh 6 tarik u Naiwieng ha phyllaw jong kane ka skulbah.
Kine ar tylli ki lympung ki long na ka bynta ki samla pule jong ki kolej bapher bapher kiba la pynïasoh sha kane ka skulbah. Ka tarik kaba khatduh na ka bynta ka phutbol ki kynthei kan long ha ka 25 tarik mynta u bnai bad na ka bynta ka Cricket ki shynrang kan long ha ka 31 tarik mynta u bnai.
