Shillong, Risaw 18
Tang hapoh 96 kynta ba ka England kaba la bat teng ïa ka nam lahduh ha ka pyrthei, ka Afghanistan ka la mad ïa ka jingshah rem ha ka New Zealand hadien ba ka la shah pynliem noh da 149-run ha ka sngi Balang.
Lyngba kane ka nam jop ka New Zealand ka la ïai bteng ban long ka kynhun kaba khlem pat shah rem bad ban bat ïa ka kyrdan ba hakhlieh hadien ki saw sien ki jingjop ha kane ka lympung.
Ha kane ka jingïakhun ka New Zealand ka la buh ïa ka thong da kaba kamai 289 run bad shah pynkhyllem 6 wiket ha ki 50 over, hynrei ka Afghanistan ka la ïakynduh jingeh ban kynjoh sha ka thong ha kaba ka la kamai tang 139 run ha ki 34.4 over.
U Glenn Phillips u la ong u nongtied uba la ïoh bun eh na ka News Zealand ha kaba u la kamai 71 run na ki 80 bol (4x6s & 4x4s), katba u kapten u Tom Latham u la khyrwit ïa ka shiteng spah kaba 68 run na ki 74 bol (3x4s & 2x6s).
