Shillong, Risaw 18
Ka kynhun rangïalehkai U-19 ka Jylla ka la shah rem noh da 7 wiket ha ka Delhi ha ka lympung ïalehkai Vinoo Mankad Trophy kaba la long ha ka sngi Balang ha Vijayawada.
Ha kane ka jingïakhun ka Meghalaya hapoh ka jingïalam u Avinash Rai kum kapten, ka la jop ïa ka kynting pisa. U Lensbirth N Marak u la ïoh ban tied 17 run, katba u Kshitij Singhania u la ïoh 11 run. Hynrei ka Meghalaya ka la kynjoh 39/2 shaduh 76 run bad shah pynkhyllem baroh ki nongtied ha ki 33.4 over.
Haba wan shiti ha ka ban kawang bol, ka Meghalaya ka la pyrshang ban ïalehkai bha ha kaba u Shavian Blah u la lah ban pynhap wiket lyngba ka jingïoh ban kem ïa ka bol da u Da-u-la-biang Shangpliang. Hadien ba la ïoh ban pynhap wiket da u Bilgrak G Sangma lyngba ka jingïoh ban kem ïa ka bol da u Shubham Rasaily haduh ba ka Delhi ka la shah pynkhyllem 7 wiket ha ki 2 over.
Hynrei hadien ka Delhi ka la ïakhun tyngeh ha kaba ka la lah ban kynjoh sha ka thong ha ki 7.2 over. U Tarun Bisht (not out) u la tied 42 run na ki 16 bol).
Ka Meghalaya kan ïakhun khatduh ha ka sngi Thohdieng pyrshah ïa ka Maharashtra.
Ha kawei pat ka liang, ka Meghalaya kan ïakhun pyrshah ïa ka Mizoram ha ka Syed Mushtaq Ali Trophy T20 tournament ha ka sngi Palei ha Jaipur, katba ka kynhun ki ‘thei ïalehkai ka Jylla (senior women) kan sdang ïa ka jingïalehkai kaba nyngkong ha ka Senior Women’s T20 Trophy pyrshah ïa ka Pondi-cherry ha ka sngi palei ha Vadodara.
