Shillong, Risaw 19
Ka Jylla kan phah 45 ngut ki nongïalehkai ryngkat 20 ngut ki coach bad manager ha ki khyndai tylli ki jingïalehkai sha ka 37th National Games ka ban long ha Goa naduh 25 tarik mynta u bnai haduh 9 tarik u Naiwieng mynta u snem.
Kine ki kynthup ïa ka Athletics (2 & 2), Football ki shynrang (20 & 5), Swimming (4 & 2), Wushu (1 & 1), Boxing (1& 2), Golf (4 & 1), Shooting (4 & 1), Kayak (4) bad ka Sqay (5 & 2) kaba dei ka jingïalehkai martial arts.
Haba kheiñ lang baroh ki don 68 ngut kynthup lang ruh ïa mar ar ngut ki Chef de Mission, Deputy Chef de Mission lem bad ar ngut ki nongïarap bad ki nongpathai khubor.
Hashwa ba kane ka kynhun kan mih na kane ka nongbah, na ka liang ka Meghalaya State Olympic Association lem bad ka tnat ïalehkai jong ka Sorkar Jylla kan pynlong ïa ka jingïalang ban ai jingkitbok kitriang ha ka sngi Thohdieng ha State Convention ha kaba yn ïadon lang u Myntri ka tnat ïalehkai u Bah Shakliar Warjri kum u kongsan.
