Beirut, Risaw:
Ka Islamic State (IS) ha ka Sngi Ba-ar, ka la kam bad shim jingkit khlieh halor ka jingsynreit kuli ia 2 ngut ki nong Sweden hapoh Brussels, bad la ong ba katei ka jingsynreit kuli ka long pyrshah ia ki nong Sweden halor ka jingdon bynta jong ki ban ialeh pyrshah ia ki Jihadist.
Ha ka Sngi Nyngkong, la ong ba 2 ngut ki nong Sweden ki la shah synreit kuli bad khlad na ka jingthombor jong uwei u dkhot ka ISIS hapoh ka nongbah Brussels.
La ong ruh ba katei ka jingthombor jong kitei ki lehnoh ha kane ka por ka long ban pynhiar kput ia kito ki ri kiba thmu ban ialeh pyrshah ia kitei ki jaitbynriew Islamica.
