Khliehriat, Risaw 19
Ka Tpepswer SSWO ka la long sa kawei pat ka kynhun kaba la jam sha ka semi-final jong ka lympung ïaleh-kai 1st Division Football Tournament ba pynïaid da ka East Jaiñtia Hills District Football Association (EJHDFA) ha madan Diengshynrum ha ka sngi Palei.
Kane ka la wan urlong hadien ba ka lah pynliem ïa ka Byndihati SC da 1-0 kol ha ka quarter-final kaba khatduh jong kane ka lympung
Ïa kane ka shi kol la thep da u Danny Shylla ha ka minit kaba 29 bad da kane ka la biang pura ïa ka Tpepswer ba kan rung sha ka semi final.
KIwei pat ki kynhun kiba la rung sha ka semi final ki long ka Chiehruphi SYWSC, Khliehriat West FC bad ka Ladrymbai ‘B’ SC.
Te kumta ka jingïakhun semi final kan long ha ka 23 tarik mynta u bnai hapdeng ka Chiehruphi SYWSC pyrshah ïa ka Khliehriat West FC. Katba ha ka 24 tarik kan long hapdeng Tpepswer SSWO pyrshah ïa ka Ladrymbai B SC ha ka por 1 baje nohphai sngi.
