New Delhi, Risaw:
Ka liengsuiñ SpiceJet kaba don bad ki 286 ngut ki briew hapoh jong ka, kynthup ïa 18 ngut ki nong Nepal, na Tel Aviv ka la poi ha ka jaka sangeh liengsuiñ ha Delhi ha ka sngi Ba-ar.
Kane ka dei ka liengsuiñ kaba san ka ba don hapoh ka jingtreikam jong ka Operation Ajay jong ka sorkar ïa kaba la ïarap ban pynphai ïing ïa ki nong India kiba kwah ban wan na Israel naba ka la don ka jingshah hiar thma kaba jur ha ka kynhun jong ki lehnoh ka Hamas.
Ha ka jingthoh ba la pyllait lyngba ka lad pathai khubor, u nongaiktien jong ka External Affairs Ministry u Arindam Bagchi u la ong ba ki la don kumba 286 ngut ki nong India kynthup ïa 18 ngut ki nong Nepal, kiba la poi da ka liengsuiñ hapoh ka jingpyntreikam jong ka Operation Ajay.
