Jowai, Risaw 20
Ka Wahïajer SC ka la khur ïa ka jingjop ha ka lympung ïalehkai 1st Division (Chatister Khar-kongor Memorial Trophy 2023), katba ka Ladthad-laboh SC ka la jop ha ka Super Division na ka bynta ka Kiang Nangbah Memorial Trophy 2023 ba la pynïaid da ka West Jaiñtia District Sports Association (WJDSA).
Ha ka jingïakhun jong ka 1st Division Football Tournament kaba la long ha madan Kiang Nangbah Stadium, Jowai ha ka sngi Thohdieng, ka Wahiajer SC ka la pynliem ïa ka Sohmynting SC da 3-2 kol.
Ïa ki kol jong ka Wahïajer la thep da u Janario Phawa ha ka minit kaba 36, u Ebormi Jat (40) bad u Niwan o Gatphoh (90+2). Katba ïa ki kol jong ka Sohmynting la thep bakla da u ranïaleh-kai ka Wahïajer u Mar-langki Suting (70) bad u Auspicious Pamthied (88)
Ha ka jingïakhun jong ka Super Division Foot-ball Tournament, ka Lad-thadlaboh SC ka la pynliem ïa ka Sailung Ïalong da 3-0 kol. Ïa kine ki kol la thep da u Buromlangki Salahe ha ka minit kaba 11, u Banteilang Shylla (31) bad u Kindness Mukhim (72).
Ka jingïakhun jong ka 1st Division ha ka sngi Saitjaiñ kan long hapdeng ka Khliehïong-riang pyrshah ïa ka Moosalyngkat ha ka por 12 mynsngi, katba ha ka Super Division kan long hapdeng ka Nangbah Mulang pyrshah ïa ka Mynthong ha ka por 2 baje janmiet.
