Ar bnai shwa ban ot ïa u kba uba ha ïing ha Lapangap u la phone sha nga “Da sep kattu ka khreh shitom ha lyngkha wa da sdang pynwit kini ki Karbi wa siat pynteiñ da ka batur wa khnam. I por ma da toh tae u Li pait iulam wei pait i man u kba, hynrei sah hei miet leh kdoong kdoong siat pynteiñ ki ha tnum wa katni da ka tin .”
Ki rangbah ki la leit ban ud sha u MLA u jong ki uba dei ruh u minister ka jylla, hynrei une u MLA um lah te ban ïarap. Ki pulit bad Meghalaya bad Assam ki don mo hynrei kim nud te ban tem arliang mamla.
Sniewbok ruh ba u Myntri Rangbah u bym lah por ïa kren border ban pynlait san shyieng i jingieit ba Jylliew sat bad la u MR Assam, imat kumba peit thuh sani bha un ai ïa Block 1 sha u paralok uba u da ieit thep mynsiem katta katta.Shim nuksa phi ïa Maikhuli bad Philling kata kaba kane ka kot khubor phareng ha ka kot khubor ka jong ka Appendix A 2019 ka da pyni te phi ba ym don lad ba kitei ar ki jaka kin hap sha Assam
Shish phi kane ka kot khubor phareng de de ka la thoh headline ‘Kaei ba ki sorkar 50 snem kim lah ban pynbeit, nga nga la dep pynbeit : Conrad Sangma “. Ade kane ka kotkhubor kam tip ba haoid u jop tangba ïam mano phi ? ïam ki briew ka Meghalaya u da kop pat u la leh bad baroh ka jylla thap kti.
Bad lada ki lad pathai khubor ki kmen ‘ Oh ki pulit Assam kiba pli ki la sharai te ïa ki Nong Lapangap ban dup ioh ot Khlem da tip ba ki Pakulong mei kulong ki la rep ha bri lajong naduh hyndai hynthai ha KA BRI LAJONG PHI, TE ko nong Lapangap ym pat long mo yn kheiñ sting. Halor kane la kynduh iu nongïasaid u ban ïasaid ha Supreme Court ban ioh ïa ka HOK.
Bad ka khubor kaba bha ka long ba ki paid Jaiñtia kiba dei shisha ki paid ki khadar Dolloi ki la wan ban ïarap ot kba kiba la wan naduh Umkiang 80 km na Jowai.
Wat shaniah ïano ïano hynrei to da kynshew pisa bad ngi ruh ïa iba Duna ngin sa ïarap katlah katiai. Sniewbok palat phi ba ngi ki paid Khasi Pnar ngim don ki nongïalam badei ban khot Ki Nongïalam.
uba burom ïaphi
Weldon Shullai, Jowai
Ka Jingduna wan pynrung kyrteng ïa ki khynnah skul ha Lower Primary School bad ha Upper Primary School ha Meghalaya
Ngi la iohi ha kawei ka kot khubor kaba 10 tarik Risaw 2023 na ka sorkar pdeng ka la ong ba ka sorkar Meghalaya ka don tang shiphew ngut ki khynnah skul kiba la pynrung kyrteng ha ki Lower Primary School 168 tylli bad 101 la pynrung kyrteng ha ki Upper Primary School hapoh Meghalaya bad ka long ka jingjahburom ia ka skul sorkar hapoh Meghalaya. Balei ka long kumne ? Kumba nga la iohi hapoh Jaiñtia Hills District ki don shibun ki skul shimet (Private School) kiba la ai grant da ka sorkar ia ki skul shimet bad ruh ba la siew tulop ïa ki nonghikai jong kine ki Private School da ka Sorkar Meghalaya. Halor kane ka bynta imat ka Sorkar Meghalaya kan khang lut ïa kine ki skul sorkar hapoh Meghalaya. Te ngi la dawa ïa kasorkar Meghalaya ba kam dei ban khang khyrdep ïa kine ki skul sorkar bad ka dei ban pynkhlaiñ ïa ki ym ban pyntroin ïa ki.
Te lada ka sorkar ka kwah ban pynkhlaiñ ïa kine ki skul ka dei ban pynduh grant ne ban siew tulop ïa kine ki skul shimet hapoh ka shnong ka thaw Meghalaya. Bad ruh ka dei ban thung nonghikai da kiba tikna ban hikai ha ki skul sorkar. Imat ka sorkar ïa ki skul shnong kiba dei ban ioh recognize na ka sorakr bad kam treh ban shimti ban pynlong skul sorkar ïa ki.
Ngi kyrpad ia ka sorkar ba kan shimkhia ïa kane ban pynkhlaiñ ïa ki skul sorkar Lower Primary School bad Upper Primary School hapoh Jaiñtia Hills bad ha Meghalaya baroh kawei.
Khublei Shibun
B. Sari
President
Jaiñtia Dorbar Jaiñtia Hills, Meghalaya
