Shillong, Risaw 20
U Syiem ka Hima Bhowal u Pa’iem Kynsai N Syiem u la ong ba u Luis Suarez rangïalehkai na Uruguay u la dait ïa ka shkor u rangïalehkai ka Italy u Giorgio Chiellini ha ka jingïalehkai phutbol World Cup ha u snem 2014, hynrei kane ka jingleh jong u ka dei tang ha ka por ba ïalehkai bad kam don pat ka mynsiem ban ïasniew ynda la kut ka jingïalehkai.
Ïa kine ki kyntien la pynpaw da u Pa’iem Kynsan Syiem haba ai jingkren kum u kongsan ha ka jingplie pyrda ïa ka Open To All Football Tournament 2023 kaba la ïalehkai mar 9 ngut ïa kaba la pynïaid da ka Seng Samla Nongwar, kaba hap ha Shella Constituency, East Khasi Hills District ha ka sngi Thohdieng.
U Paien Kynsai u la pynkynmaw ïa ka jingdait shkor u Suarez ka long ban kyntu kynpham ïa ki rangïalehkai namar kane ka jingïalehkai ka long ban wanrah ïa ka jingïajan ha kane ka thaiñ da kaba ïalehkai da ka mynsiem kaba khuid.
Ha kane ka sngi la ai jingkren ruh da u Acting Rangbah Shnong u Bah Amos Wahlang, Ronald Lyngdoh, Ïashan Nadon, Kit Shongwan, Denis Bornia bad la pynïaid ïa ka jingïalang da u P. Tham President ka Seng Samla Nongwar.
Ki kynhun kiba la ïalehkai ha kane ka sngi plie pyrda ki long ka Seila Ka Sap na Shella pyrshah ïa ka Ryntih FC na Laitryngew.
