Jowai, Risaw 22
Ki dkhot ka West Jaiñtia Adventure and Cycling Association (WJACA) ha ka 21 tarik Risaw ki la pyn long ka jingshangkai pynngad da ki saikil na Jowai shaduh thwei Kupli kaba don ha ka shnong Iooksi, West Jaiñtia Hills District la tip kum ka “Kupli River Holiday Ride cum Cleanliness Drive”.
Kane ka jingshangkai pynngad kaba jngai kumba 53 km eiei la ïatrei ryngkat lang ruh bad ka Laskeiñ Block Tourism and Promo -tion Society halor ka phang “Cycle for Health, Tourism and Cleanliness”.
Ïa kane ka jingshang-kai pyngngad la sdang na Lad Nartiang da ka jing-kaweh lama u Waheh Shnong ka Mihmyntdu u Bah Abul Phawa.
U President ka West Jaiñtia Adventure and Cycling Association u Bah Biangpor Shylla u la ïathuh ba ka jingthmu jong kane ka jingshangkai pyngngad ka long ban ïoh ïa ka met kaba koit kaba khiah, ban kyntiew ïa ka kam jngohkai bad ban wanrah ïa ka jingkhuid jingsuba.
Ynda la poi ha shnong Iooksi, ki dkhot ka West Jaiñtia Adventure and Cycling Association ki la pynlong ka jingpynkhuid ïa ki sawdong sawkun ka Iawpynkat ha ka jingshim bynta lang da u Waheh Shnong u Bah C Tangliang.
Hadien ka jingpyn-khuid ïew, ki dkhot ka West Jaiñtia Adventure and Cycling Association ki la hiar sha ki artylli ki jaka shangkai pa paw ka thaiñ Laskeiñ kiba kynthup ka Kupli Holiday Retreat bad ha Himani Resort bad hangne la pdiang sngewbha ïa ki da u Secretary ka Laskein Block Tourism and Promo -tion Society u Bah Golden Dkhar.
