Mumbai, Risaw:
Ka sorkar Maharashtra ka la pynbna ba kan sa pynbiang na ka bynta baroh ki khynnah kiba naduh ka klas 1 haduh ka klas 8 ha ki skul ba pynïaid da ka sorkar da ar phong ki Uniform na ka bynta u snem ka pule-puthi u ban wan. Ki Uniform ba la thmu ban pynbiang sha ki khynnah skul ki dei kiba la pynmih thymmai ki ban long na ka bynta ki khynnah shynrang bad ki khynnah kynthei. Kawei na kine yn sa pynbiang kum ki Uniform Scout bad Guide.
Ka School Education Department ha ki khyndiat sngi jong ka taïew ba la lah ka la pynmih ïa ka Government Resolution (GR) kaba la pyntikna ba ka long ka kamram na ka bynta ban pynbiang ïa kine ki Uniform skul da ka jingïaraplang ka Maharashtra Prathamik Shikshan Parishad (MPSP) jong ka sorkar.
Naba ka jingpyntreikam ha ka ban pynbiang ïa ki Uniform sha ki khynnah ïa kaba la dei ban khmih da ka MPSP, la rai ba ïa ka jingsuh ïa kine ki sopti skul la shimti da ki kynthei kiba don ha ka kynhun kiba ïeng hala kijong ki kjat ne ha ki Self-Help Group. Hashwa kane, ïa ka jingjied bad ka rukom suh ïa ki Unirform skul la leh da ki kynhun Shool Management Committees (SMCs).
Kumba la thmu hashwa, la ong ba ki SMC ki la dei ban pynbiang shi phong ki Uniform katba ka jylla kan phah ïa kiwei pat na ka bynta ki khynnah Scout bad Guide.
