Shillong, Risaw 23
Ka Nongmensong Sports Club bad ka Tynring Sports Club ki la khur jingjop ha ki jingïalehkai jong ka lympung SSA SRGT 3rd Division Football League 2023 ba la pynïaid da ka Shillong Sports Association (SSA) ba la pynlong ha madan Third Ground MFA Turf, Polo.
Haba phai sha ka jingïalehkai ba nyngkong kaba la long ha ka por 1 baje mynsngi, ka Nongmensong Sports Club ka la lah ban pynliem noh ïa ka Lapalang Sports Club da 4-2 kol.
Ïa kitei ki kol jong ka Nongmensong la ïoh ban thep da u Kevin Diengdoh ha ka minit kaba 33, u Kenstar Khonglam ha ka minit kaba 55 bad u Shemphang Myrthong ha ka minit kaba 70 bad 78. Katba ïa ki ar tylli ki kol jong ka Lapalang pat la ïoh ban thep da u Meban Chen ha ka minit kaba 24 bad u Pleilad Syiemlieh ha ka minit kaba 34.
Haba phai pat sha ka jingïalehkai kaba ar, kaba la long ha ka por 3 baje janmiet, ka Tynring Sports Club ka la lah ban pynliem noh ïa ka Lumdiengjri Sports Club tang da 1-0 kol bad ïa kane ka shi kol la ïoh ban khyrwit da u Mariabiang Kharmalki ha ka minit kaba 14.
