Islamabad, Risaw:
Katkum ki khubor la ong ba ki liengsuiñ jong ka Kad Liengsuiñ ka Pakistan International Airline (PIA) ki la shah ktah jur bha na ka jing sangeh sam umphniang jong ka Pakistan State Oil (PSO) bad kaba la pynlong ia katei ka Kad Liengsuiñ ba kan pynsangeh noh syndon ia baroh 26 tylli ki liengsuiñ jong ka ha kane ka por.
La ong ba katei ka Kad Liengsuiñ kam banse ban pynsangeh noh ia 26 tylli ki liengsuiñ jong ka ha ki nongbah bapher bapher kynthup ia ki liengsuiñ kiba na ka Kad Liengsuiñ Karachi, Lahore, Islamabad, Quetta, Bahawalpur, Multan, Gwadar bad na kiwei-kiwei ki nongbah jong ka Pakistan kiba dei ban mih bad treikam man la ka sngi kumba ju long man ka por.
Katba, haba ia dei bad ki nongleit jingleit kiba la dep thied lypa ia ki tiket, la ailad noh ba kin leit shim noh da kiwei pat ki liengsuiñ na kiwei pat ki Kad Liengsuiñ kiba sah bad kiba dang treikam.
Ia mynta, ki don tang 3 tylli ki liengsuiñ kiba la pyntreikam na ka Kad Liengsuiñ ha Karachi, katkum ka jingpynbiang umphniang ba la buh antad.
