Lahore, Risaw:
ka Pakistan International Airlines (PIA) ha ka Sngi Ba-ar, ka la pyntreikam biang ia katto- katne ki liengsuiñ kiba ka la pynsangeh ha ka sngi ba la leit namar ka jingkyrduh umphniang ‘Petrol’.
La ong ba naduh ka Sngi U Blei hi, katei ka Kad Liengsuiñ ka la pynsangeh ia kumba 77 tylli ki liengsuiñ ‘International & Domestic’ namar ka jingkyrduh umphniang ha kine ki sngi.
Ia mynta hi, ki don tang 16 tylli ki liengsuiñ ba katei ka Kad Liengsuiñ ka dang ioh ban pyntreikam namar ka jingbym lah shuh jong ka Pakistan State Oil (PSO) ban pynbiang ia ka umphniang petrol bad namar ka jingkyrduh jong ka sorkar Pakistan ha kane ka por.
La ong ba kane ka long ka sien kaba 2 hapoh jong ka shi taiew, ba ka Pakistan ka hap ban pynsangeh treikam noh ia ki liengsuiñ jongka tang namar ka jingkyrduh umphniang petrol bad ka jingdap ram jong ka Pakistan ha kine ki sngi.
Katei ka Kad Liengsuiñ, ka long kaba la wanrah nam- wanrah burom ia ka Pakistan bad ka long ruh tang ma ka- ka Kad Liengsuiñ ba nyngkong jong ka Pakistan kaba lah ban leit her sha China. Hynrei ha kine ki sngi, katei ka Kad Liengsuiñ ka la kynduh ia shibun ki jingeh namar ka jingbym biang ka jingmih bad ki rukom treikam ha ki por ba la leit.
