Amlarem, Risaw 25
Ka lympung ïalehkai Super Division Football League ba la pynïaid da ka Amlarem Sub Divisional Sports Association ka la nangjam shaphrang ha Mini Stadium kaba ha Ladjaplem, Amlarem.
Ha ka jingïalehkai kaba la long ha ka sngi Balang hapdeng ka Jarain CSC bad Thangbuli ki la kut ha ka jingïakhaid mar 2-2 kol.
Ha kane ka jingïakhun ka Jarain CSC ka ïoh ban thep ar kol ha minit kaba 15 bad 25 lyngba u Defender Lyngdoh. Katba ka Thangbuli ka la ïoh ban pynphai kylla lyngba u Diwan Khyriem ha ka minit kaba 46 bad u Ritikut Tariang ha ka minit kaba 64 na ka bynta ban ïakhaid mar ar kol.
Kane ka lympung ïalehkai kan bteng biang ha ka 27 tarik hapdeng ka Seinbhalang Shkentalang pyrshah ïa ka Dongmihsngi Mupyut ha ka por 2:30 janmiet.
